Ano ang ibig sabihin ng Voter’s Choice Act para sa Akin bilang isang VBM na Botante?

Kung dati ka nang bumoboto sa pamamagitan ng koreo, halos ganoon pa rin ang iyong proseso sa pagboto sa ilalim ng Voter’s Choice Act. Gayunpaman, may ilang maliit na pagbabagong mas magpapadali sa iyong pagpapatala ng balota.

Ang Lahat ng botante ay awtomatiko na ngayong makakatanggap ng balota sa Pagboto sa Pamamagitan ng Koreo (VBM). Hindi mo kailangang magsumite ng VBM na kahilingan. Ang mga balota ay ipapadala sa koreo mga isang buwan bago ang bawat halalan, na magbibigay sa iyo ng mahabang oras na markahan at ibalik ang iyong balota sa panahong pinakamaginhawa para sa iyo.

Paano ko Ibabalik ang Aking Balota?

Marami kang pagpipilian para ibalik ang iyong balota. Dapat maibalik ang mga balota bago ang pagsasara ng Araw ng Halalan.

Sa Pamamagitan ng Koreo: Maaari mong ibalik ang iyong balota sa pamamagitan ng koreo. Hindi na kailangan ng selyo kung gagamitin mo ang ibinigay na sobre para sa pagbabalik. Dapat matatakan ng koreo ang mga balota sa, o bago ang Araw ng Halalan, at dapat itong matanggap ng Tagapagrehistro ng Mga Botante sa loob ng pitong araw pagkatapos ng halalan.
Sa Sentro ng Pagboto: Magbubukas ang mga Sentro ng Pagboto simula ng 11 araw bago ang halalan. Maaari mong ibalik ang iyong nakumpletong balota sa alinmang Sentro ng Pagboto sa County. Ilalathala ang listahan ng mga Sentro ng Pagboto bago ang bawat halalan.
Sa Drop Box ng Balota: Maaaring ibalik ang mga balota sa alinmang drop box ng balota sa county simula 29 na araw bago ang halalan. Ang mga drop box ng balota ay ligtas at ang mga nakakandadong lalagyan ay inilalagay sa mga madaling mahanap at mapuntahang lugar. Ilalathala ang listahan ng mga drop box ng balota bago ang bawat halalan.

Paano Kung Kailangan ko ng Pamalit na Balota?

Maraming dahilan kung bakit maaari kang mangailangan ng pamalit na balota. Halimbawa, maaaring nawala mo ang iyong balota o nagkamali ka sa pagmamarka nito. Maaari ka ring humiling ng pamalit na balota kung kailangan mong baguhin ang iyong address o isapanahon ang iyong impormasyon sa pagpaparehistro ng botante.

May tatlong paraan upang makakuha ng pamalit na balota:

Sa Pamamagitan ng Koreo: Maaari kang humiling ng bagong balotang ipapadala sa iyo sa pamamagitan ng koreo. Tumawag sa Tagapagrehistro ng mga Botante ng walang bayad sa (866) 430-VOTE (8683) o mag-email sa [email protected]. Dapat matanggap ang iyong kahilingan nang hindi bababa sa pitong araw bago ang halalan. Pagkatapos ng panahong iyon, makukuha na lang ang mga pamalit na balota nang personal.
Personal: Maaari mong kunin nang personal ang pamalit na balota sa Opisina ng Tagapagrehistro ng mga Botante o sa alinmang Sentro ng Pagboto sa County.
Sa Online: Maaari mong gamitin ang Malayuang Madaling Magamit na Sistema ng Pagboto sa Pamamagitan ng Koreo (RAVBM) upang mag-download ng kopya ng balota na maaaring i-print at ibalik sa pamamagitan ng koreo.

Kung tatanggap at bobotohan mo ang isang pamalit na balota, awtomatikong mawawalan ng bisa ang iba mo pang balota. Mangyaring sirain at itapon ang iyong mga hindi nagamit na balota. Isang balota lang ang tatanggapin sa bawat botante kada halalan.

Paano Kung Ayaw kong Bumoto sa Pamamagitan ng Koreo?

Kung ayaw mong bumoto gamit ang balota ng Pagboto sa Pamamagitan ng Koreo, maaari kang pumunta sa Sentro ng Pagboto upang personal na makaboto. Kung boboto ka sa Sentro ng Pagboto, mawawalan ng bisa ang iyong balota ng Pagboto sa Pamamagitan ng Koreo. Maaari mo itong dalhin upang isauli sa Sentro ng Pagboto o maaari mo itong sirain at itapon.

Malayuang Madaling Magamit na Sistema ng Pagboto sa Pamamagitan ng Koreo (RAVBM)

Ang sistema na RAVBM ay magagamit simula 29 na araw bago ang halalan. Ikaw ay dapat isang rehistradong botante upang magamit ang sistema. Dapat ibalik ang iyong binotohang balota bago ang ika-8 ng gabi sa Araw ng Halalan o matatakan ng koreo sa o bago ang araw ng halalan at matanggap nang hindi lalampas sa 7 araw pagkatapos ng Araw ng Halalan.

Magagamit ba ang Malayuang Madaling Magamit na Sistema ng Pagboto sa Pamamagitan ng Koreo (RAVBM) sa Lahat ng Rehistradong Botante?

Oo. Pinahihintulutan ng batas ng California ang lahat ng nakarehistrong botante na gamitin ang sistema ng RAVBM para sa bawat halalan simula noong 2022, hindi alintana kung ikaw ay isang botanteng may kapansanan, o isang militar o botante na nasa ibang bansa.

May mga Pagpipilian ba sa Pagboto sa Pamamagitan ng Koreo Na Madaling Magamit ng mga Indibidwal na may mga Kapansanan?

Panoorin ang video tungkol sa madaling magamit sa pagboto sa pamamagitan ng koreo para sa mga botante na may mga kapansanan

Oo, maaaring gamitin ng mga botanteng may mga kapansanan ang Malayuang Madaling Magamit na Sistema ng Pagboto sa Pamamagitan ng Koreo upang makuha at botohan ang kanilang mga balota nang independyente at pribado. Sa halip na gumamit ng papel na balota ng Pagboto sa Pamamagitan ng Koreo, maaari kang maka-access ng elektronikong bersiyon ng iyong balota, na maaaring markahan gamit ang iyong sariling pantulong na teknolohiya sa iyong tahanan. Kapag tapos ka na, dapat mong i-print ang iyong balota at maaaring ibalik sa Tagapagrehistro ng mga Botante ang iyong napirmahang orihinal na sobre ng pagbabalik sa Pagboto sa Pamamagitan ng Koreo para mapabilang ang iyong balota. Upang mapangalagaan ang iyong pagkapribado at seguridad, hindi ipadadala ang iyong mga pinili sa balota sa elektronikong paraan sa pamamagitan ng Internet.

Ang Malayuang Madaling Magamit na Sistema ng Pagboto sa Pamamagitan ng Koreo ay magagamit ba ng mga Botanteng Militar at Nasa Ibang Bansa?

Oo, maaaring gamitin ng Militar at Nasa Ibang Bansa ang Malayuang Madaling Magamit na Sistema ng Pagboto sa Pamamagitan ng Koreo upang makuha at botohan ang kanilang mga balota nang independyente at pribado. Sa halip na gumamit ng papel na balota ng Pagboto sa Pamamagitan ng Koreo, maaari kang maka-access ng elektronikong bersiyon ng iyong balota. Kapag tapos ka na, dapat mong i-print ang iyong balota at maaaring ibalik sa Tagapagrehistro ng mga Botante ang iyong napirmahang orihinal na sobre ng pagbabalik sa Pagboto sa Pamamagitan ng Koreo para mapabilang ang iyong balota. Upang mapangalagaan ang iyong pagkapribado at seguridad, hindi ipadadala ang iyong mga pinili sa balota sa elektronikong paraan sa pamamagitan ng Internet.

Paggamit ng sistema ng RAVBM

LAHAT ng mga botante ay direktang makaka-access sa sistema ng RAVBM simula ng 29 na araw bago ang halalan. Dagdag pa rito, para sa mga botante na humihiling ng paghahatid ng isang Emerhensiyang Balota alinsunod sa seksyon 3021 ng Kodigo sa mga Halalan, ang pag-access sa RAVBM ay maaari ding ibigay bilang isang paraan ng paghahatid ng balota ng opisyal ng halalan.